სასტუმრო იდეალური ღამის გასათევი ადგილია მათთვის, ვისაც სურს დასვენება სუფთა ჰაერზე, სოფლის მინიმალურ საცხოვრებელ პირობებში და ეკოლოგიურად სუფთა პროდუქტის მიღება.

გელით სოფლისათვის დამახასიათებელი ეზო, ბაღი და მარანი.  ფუნქციონირებს 4 მიმართულების ტური ძამას ხეობაში. 

მომხმარებლებს შეეძლებათ დაისვენონ სუფთა ჰაერზე, მონაწილეობა მიიღონ სოფლის მეურნეობის ძირითად დარგებსა და სოფლის პროდუქტის დამზადების პროცესებში. მომხმარებლებს შესაძლებლობა აქვთ მოინახულონ ვენახი და მარანი, რომელიც სასტუმროს ტერიტორიაზე არის განთავსებული, მონაწილეობა მიიღონ რთველში ან დააკვირდნენ თუ როგორ ხდება ღვინის დაწურვა/არყის გამოხდა, ჩურჩხელების ამოვლება, ყველის ამოყვანა და ა.შ.
დამსვენებლებს და ვიზიტორებს შესაძლებლობა აქვთ მონაწილეობა მიიიღონ თაფლის დამზადების პროცესში, კერძოდ თაფლის დაწურვის პროცესში. ასევე, აგროსახლი სთავაზობს გამწვანებულ ეზოში დასვენებას, სადაც მოწყობილია სუფთა ჰაერზე მოსასვენებელი ადგილები ჰამაკებით, ხის მაგიდებითა და სკამებით.