იაგოს მარანი
თქვენ გიმასპინძლებთ იაგოს მარანი
რას გთავაზობთ
„იაგოს მარანი“ მცხეთის რაიონ სოფელ ჩარდახში მდებარეობს. მარნის საქმიანობის სფერო ორგანული მევენახეობა-მეღვინეობაა. ბიტარიშვილების მარანში თხუთმეტი ქვევრია, სადაც ღვინოს საუკეთესო ქართული ჯიშის ყურძნისაგან „ჩინურისგან“ ტრადიციული მეთოდით აყენებენ. „იაგოს ღვინომ“ 2004 წელს მიიღო პირველი ბიო-სერტიფიკატი საქართველოში. მარნის კედელები სავსეა სტუმრების მიერ გაკეთებული წარწერებით, სადაც მათ შთაბეჭდილებებს ამოიკითხავთ. აქვეა, საბოთლე დახლები და ღვინისთვის საჭირო ატრიბუტიკა. „იაგოს მარანში“ წლიურად 5000 ბოთლ თეთრ მშრალ ქვევრის ღვინოს აწარმოებენ.
მარანში სტუმრობისას გაეცნობით ყურძნის მოყვანისა და ღვინის დაყენების ტრადიციულ და ეკოლოგიურ მეთოდებს. ასევე, შემოგთავაზებენ ღვინის დეგუსტაციასა და ქართული ტრადიციული სამზარეულოს მასტერკლასებში მონაწილეობას.