ოზურგეთის მუნიციპალიტეტში სოფელ ლიხაურში მდებარე საუკუნოვან წისქვილს განსაკუთრებულობას ისიც სძენს, რომ წყალზე მუშაობს და ორდოლაბიანია. წისქვილს ადვილად მიაგნებთ, ექვთიმე თაყაიშვილის სახლ-მუზეუმიდან რამდენიმე მეტრშია და, გირჩევთ, გზად მუზეუმშიც შეიარეთ. წისქვილში სიმინდის ფქვილსაც ჩამოფქვავთ და წისქვილიდან 5 წუთის სავალ გზაზე ფაცხაში, გურულ გასტრონომიასაც დააგემოვნებთ. გურულები, ენამოსწრებულობასთან ერთად, კარგი მზარეულებიც არიან.