„ღვინის სახლი გურჯაანი“ გურჯაანის ცენტრში მდებარეობს. აქ ერთ სივრცეშია წარმოდგენილი კახური ტრადიციული მარანი ქვევრებით, უძველესი საწნახელით და კახური ყოფისთვის დამახასიათებელი ნივთებით. მასპინძლები ძველი ღვინის მარანში აცნობენ სტუმრებს ქართული მეღვინეობის ისტორიას, აჭაშნიკებინებენ სამი სახეობის ღვინოს. აქვე სტუმრები ეცნობიან ჭაჭის დამზადების პროცესს.