„მამისეულის“ მარანი ქალაქ ბოლნისიდან 8 კილომეტრის დაშორებით, ხატისსოფელში მდებარეობს. დროის ცვლასთან ერთად მამის საქმე დებმა გააგრძელეს და დღეს მათ მიერ წარმოებული ღვინოები ბევრ ჯილდოს ითვლის . არც ღვინის დაყენების ტრადიცია დაურღვევიათ და წინაპრების მიერ ჩაყრილი ქვევრები გააცოცხლეს. მამისეული ხის კასრები და ძველი ჭურჭელი ეზოში საინტერესო ექსპოზიციად არის ქცეული და სტუმარს ისტორიასთან შეხების საშუალებას აძლევს.