„ფოლკლორის სახლი“ ზუგდიდში მდებარეობს. კოშკურის სტილის სამსართულიან ნაგებობაში უამრავი ძველი ნივთი დაგხვდებათ: საუკუნის მაგიდა და ბუფეტი, კასრები, დოქები , კეცები, ქვევრი, უთო, გობი და მეგრული ყოფისთვის დამახასიათებელი სხვა ნივთები. „ფოლკლორის სახლის“ სამზარეულო, რომელიც ხალხურ-კლასიკური სტილით არის შექმნილი, შენობის პირველ სართულზეა მოწყობილი და ამ სივრცეში ტარდება მასტერკლასებიც. მისაღები ოთახის შუა გულში ხეა „ამოსული“, კიბის ქვეშ კი მყუდრო, მოსასვენებელი საწოლია განთავსებული.