„შატო ატენი“ გორის მუნიციპალიტეტის სოფელ ატენში მდებარეობს. შატოში აწარმოებენ: ოთხი სახის ღვინოს - ატენურს, ჩინურს, თავკვერს, ხიდისთაურს; ორი სახის ცქრიალა ღვინოს - ატენურს და ელისაბედს; სამი სახის ჭაჭას - კლასიკურს, მუხის კასრში დაძველებულს და ტარხუნაზე დაყენებულს. მარანსა და ღია სადეგუსტაციო სივრცეში მასპინძლები ღვინის წარმოების ისტორიას მოგიყვებიან. აქვე მასტერკლასები იმართება და ქართული სუფრა იშლება. მარანში ვიზიტორებს სთავაზობენ ღვინის დეგუსტაციას და ექსკურსიას ვენახში.