საოჯახო სასტუმრო ბუტიკური კონცეფციის მატარებელია. მოხატული კედლების, ფერადი საწოლებისა და მოჩუქურთმებული ავეჯის სინთეზი მყუდრო გარემოს ქმნის. სასტუმროში თქვენს ყურადღებას ის უძველესი ბუხარი მიიპყრობს, რომელიც თეთრი ფილებით არის გაწყობილი. გვერდით საძინებელში კი ფერადი რკინის საწოლები მწკრივშია ჩადგმული, რაც გარკვეულწილად ბავშვობასთან დაგაბრუნებთ. სასტუმროს უკანა ხედი აკაციისა და თხილის ტყეზე გადის, წინ კი მეგრული ვაზია გაშენებული.