„გიგო პაპას მარანი“ მე-18 საუკუნეშია აშენებული და ყვარლის მუნიციპალიტეტში მდებარეობს. ამ ადგილას საუკუნეების წინ თბილისიდან ავლაბრელი მიკიტნები და სირაჯები ტიკჭორებით ჩადიოდნენ და აქ დაყენებული ღვინო დედაქალაქის დუქნებში მიჰქონდათ. მარანს, სადაც სხვადასხვა ზომის 17 ქვევრია განთავსებული, რესტავრაცია რამდენიმე წლის წინათ ჩაუტარდა. მარნის ორსაუკუნოვანი ისტორიის ერთ-ერთი დასტური კედელზე გამოკვეთილი პატარა, ეკლესიის ფორმის ფიგურებია.